BREAKING NEWS : – Qorshaha cusub ee Raysal wasaare Cumar uu la yimid Garowe oo Puntlandi heleen

Illo lagu kalsoon yahay ayaa Warsidaha Puntlandi uga waramey Qorshaha cusub ee Raysal wasaare Cumar Cabdirshiid xambaarsan yahay ee uu la yimid Caasimada Puntland ee Garowe ee ah sidii Puntland iyo Dawlada Federalku isugu soo iman lahaayeen mar kale miiska wadahadalka, ee looga arinsanayo xaajada cakiran ee ah dariiqii loo mari lahaa Doorasho dalka ka dhacda dhamaadka mudo xileedka Dawlada Federaalka ee uu hogaamiyo Mudane Xasan Sheekh ee ku eg Bisha Ogoosto ee sanadkan 2016

Sida Puntlandi xogta ku heshay wuxuu Raissal wasaaruhu la yimid dhowr oo cusub oo suubis ah,kuwaas oo kala ah.

1. -In Puntland loo kordhiyo tirada wakiilada ay ku yeelanyso aqalka sare,taas oo ay soo jeediyeen in laga dhogo 14 kursi, Wadahadaladii hore waxaa Pubtland loo qoondeeyey 11 kursi hadase waxaa loogu darayaa 3 kursi oo lagasoo jaray Somaliland, Soomaaliland
2. In xarunta Dib u eegista Dastuurka Federaalka Soomaaliya ah loo soo wareejiyo magaalada Garowe
3. In La bixiyo mushaaharka ciidamo dhan 3000 Askari oo ka mid ah askarta Puntland ah.
4. Waxaa kale oo soo jeedintooda ka mid ah fulinta dhowr mashruuc.

Sida Puntlandi xogta ku heshay wali wax natiijo rasmi ah lagama gaariin, laakiin Raysal wasaaruhu wuxuu Puntland usoo bandhigay afartaan Qodob tasoo badalkeeda laga rabo iney Puntland aqbasho nidaamka 4.5 in lagusoo dhiso Aqalka hoose.

Wararka Puntlandi helayaan waxaa ka mid ah in puntland ay iyana miiska soo saareen.

• In Beesha Caalamku ay ilaa 2020 laga gaarayo ay Puntland toos u siiso dhaqaalaha Soomaaliya loogu deeqo qaybta Puntland kusoo aadeysa oo aan waxba loosoo marin Dowlada dhexe.
• In Mushaarka Ciidanka Puntland (3000 askari) ay Beesha Caalamku toos u bixiso oo aan loosoo marin Dowlada Dhexe.
• In ay Beesha Caalamku saxiixdo heshiiskaas si cadna u damaano qaado Qodobadaas oo aysan Puntland waxba ka sugin DF ama heshiiskaas aysan la galayn Dowlada Federaalka iyadoo Puntland ay taas ka tixraaceyso boqolaal heshiis oo horey ay Soomaalidu uwada gashay oo aan waxba lagasoo qaadin.

Wararka ay warbaahinta Puntlandi helayso waxay sheegayaan in wadahadaldu ku jiraan marxalad bilow iyo wadatashi,sidoo kale Raisal Wasaare Cumar C/rashiid waxa uu saaka gurigiisa ku booqday Madaxweynihii hore ee Puntland Mudane Dr.Cabdrixmaan Sheekh Maxamuud Faroole..

Wadahadalka rasmiga ah waxuu Garowe ka bilaabanayaa Galabta.

Wixii kasoo kordha Socdaalka Raysal wasaaraha iyo wuxuu Pubtland kala kulmo kala soco Puntlandi.com

Puntlandi
Garowe