Xaunta Hay’ada Khumeyni ee Dalka Iiraan laga leeyahay oo ku taal Magaalada Muqdisho ayaa waxaa hada ka socda bililiqo xoogan.
Dad shacab ah ayaa markii hore bilaabay iney Xarunta bililiqaystaan, wax yar kadibna waxaa Xarunta soo gaaray Ciidanka Gobolka Banaadir kuwaasoo dadkii kala eryey kadibna ciidankii ayaabilaabay iney bililiqaystaan waxyaabihii yaalay xarunta tasoo keentey in mar labaad ay shacabkii iyana kusoo laabtaan oo bililiqadii ka qayb qaataan.
Waxaa xiligaan nawaaxiga Xarunta lagu arkayaa Dad dhabarka iyo madaxa ay u saaran yihiin cuno iyo Qalab ay kasoo bililiqaysteen Hay’ada Khumeyni.
Dowlada Federaalka Soomaaliya ayaa todobaadkii horey waxay xiriirkii u jareen Dowlada Iran iyadoo Dowladu ay isla markaas 72 saac ay u qanteen iney dalka ka baxaan shaqaalaha Iiraanoyiinta ah.
Puntlandi.com
Muqdisho