Xaflad weyn oo ay soo qaban qaabisay jaalliyadda Puntland ee Finland (Puntland Society of Finland) laguna soo dhowaynayey wakiilka dawlada Puntland ee Finland Eng.Cabdirizak Muuse Cali (Ilweyn) ayaa lagu qabtay caasimada Finland ee Helsinki 25.10.2014.
Xafladdaas waxaa loogu hambalyeeyey wakiilka, waxaa sidoo kale lagu taageeray go’aankii iyo wareegtadii madaxwaynaha dowlada Puntland Prof. Cabdi Wali Maxamed Cali Gaas uu ku magacaabay 24.9.2014 wakiilka.
Waxaa sharaf noo ahayd in uu xafladda nagala soo qaybgalay hadalo qiimo lehna kasoo jeediyey Safiirka DF ee Finland Mudane Cali Qasim Maxamed.
Kulanka waxaa qudbad dheer oo dhinacyo badan taabanaysa ka soo jeediyey gudoomiyaha Jaalliyadda Puntland ee Finland Eng. Ibraahim Xasan Caynab iyo madaxda kale jaaliyadda, waxaa sidoo kale qudbad qiiro badan ka soo jeediyey wakiilka wakiilka Dawlada Puntland ee Finland Eng.Cabdirizak Muuse Cali (Ilweyn). Sidoo kale waxaa madasha xafladda qudbado iyo hadallo wax ku ool ah ka soo jeediyey odaayaal, aqoonyahanno,haween iyo dhalinyaro ka tirsan jaalliyadda puntland e Finland.
Waxaa iyana xaflada haddalo dhiiri galin ah ka soo jeediyay odayaal iyo aqoonyahanno ka socday jaaliyadda Jubbaland.. Waxaa sidoo kale door wayn ka ciyaaray qudbadahaas dumarka iyo dhalinyarada reer puntland ee Finland ku dhaqan.
Videoga iyo Sawirada hoos ka daawo
![xafladwakilka_31_25.10.2014[1]](http://puntlandi.com/wp-content/uploads/2014/10/xafladwakilka_31_25.10.20141.png)
