Abu Dhabi–15 juun 2014–Pi– Madaxweynaha Dowladda Puntland Dr. Cabdiweli Maxamed Cali Gaas iyo wafdi balaaran oo uu hogaaminayo ayaa galinkii dambe ee Maanta Si kal iyo laab ah loogu soo dhaweeyay Magaalada Abu Dhabi ee Dalka Isukutagga Imaraatka Carabta (UAE).
Wafdiga uu Madaxwayne Gaas hormuudka u yahay waxaa kamid ahaa Gudoomiye xigeenka 1aad ee Baarlamaanka Dowladda Puntland Mudane Cabdixamid Sh. Cabdisalam, Wasiirka Ganacsiga Maxamud Xassan Soocadde, Wasiiru-Dowlaha Madaxtooyada iyo Xiriirka Caalamiga Mudane Dr. Maxamed Cabaas Cumar, Wasiir-Kuxigeenka Maaliyedda Ahmed Yaasiin Saalax iyo saraakiil katirsan Madaxtooyada Dowlada Puntland.
Masuuliyiin katisan Wasaarada Arimaha DIBADA Isukutagga Imaraatka Carabta (UAE) ayaa siwanagsan Madaxwaynaha iyo Wafdigiisa ugu soo dhaweeyay Garoonka Diyaaradaha ee Magaalada Abu Dhabi .
Madaxwayne Gaas ayaa mudada uu ku suganyahay Dalkaasi kulamo laqaadanaya Masuuliyiinta ugu sareeya Dalka Isutagga Imaaraadka Carabta iyagoona si qoto dheer uga wada hadli doona xiriirka wanaagsan ee ka dhaxeeya labada Dowladood.
Sidookale Madaxwayne Gaas waxa uu kulan balaaran la qaadan Doonaa Jaaliyada Puntland ee Wadankaasi,isagoona u Bandhigi doonaa horumarka baaxada leh ee Puntland ka soconaya.
