Mudo saacado ka dhamintahay Waxaa magaalada Dar el-salaam Dalka Tanzaniya ka bilowmaya Finalka Ciyaaraha Tartanka Magaalooyinka Bariga Afrika, Kooxda Garowe City waxay halmar kasoo dhexboodey Tartanka iyadoo ilaa hada la waayey koox ishortaagta Wiilasha Garowe ee Soomaaliya.
Daawadayaasha Ciyaarahaan intii ay ka socdeen Dar el Salaam waxay hadal hayaan kooxda Soomaaliya ee Dream Teamka Garowe City, kooxdaan waxay soo celisey magacii iyo sumcadii Sportiga Soomaaliya, Bariga Afrikana waxaa lala yaaban yahay kooxda oo noqotey kooxda ugu asluubta iyo Ciyaar wanaaga badan intii tartanku socdey, dhinaca kale mid kamid ah Ciyaartooyda Garowe Team waa Ciyaaryahan Faysal ayaa hogaaminaya ninka ugu goolasha (Dhibcaha) badan intuu tartanku socdey.
Galabta saacada Bariga Afrika 5:30 galabnimo ayay halyeeyada Garowe waxay fooda isdarayaan kooxda Magaalada Qaahira ee Reer Masar, waxaana lagu baratamayaa ciyaarta kama dambeysta ah ee Finalka.
Wararka aan ka heleyno Garoomada ciyaaruhu ka socdeen Reer Masar wadnaha ayay farta ku hayaan, halka kooxda Soomaaliyeed ee Garowe City ay kalsooni muujiyeen.
Guud ahaan magaalooyinka Puntland waxaa maanta la hadal hayaa kooxda Kubada Koleyga Garowe iyo guusha ay ka gaartey Tartanka ka socda Tanzaniya
Magaalada Garowe ee Caasimada Puntland waxaa qaban qaabo loogu jiraa soo dhaweynta kooxda, Dowladuna Puntland iyo maamulka Gobolka Nugaal ayaa iska kaashanaya sidii kooxda loogusoo dhaweyn lahaa Garowe marka ciyaaruhu dhamaadaan.
Sawirada hoos ka daawo
Puntlandi.com
Dar el Salaam
