Madaxweynaha Dawladda Puntland Dr.Cabdiweli Maxamed Cali Gaas oo ay wehelinayaan Wasiirka Ganacsiga Dawladda Puntland Cabdiweli Xirsi Cabdulle iyo Wakiilka Puntland ee Itoobiya Mahad Faaraax Gaas oo ku sugan magaalada Addis Ababa ayaa maanta 17-Feb-2016 kula la qaatay Wasiirka Kastamka iyo Cashuuraha Dawladda Federaalka Itoobiya, Madaxa Tamarta iyo Korontada Azeb Asnake iyo Taliyaha guud ee ciidanka Dawladda Federaalka Itoobiya General Getachew Assefa.
Kulamada ayaa looga wada hadlay sidey suuragal u tahay in la helo xiriir ganacsi oo dhexmara labada Dal iyadoo uu Madaxweyne Gaas sheegay in Puntland ay dhowaan dhameystiri doonto wadada isku xirta Gaalkacyo iyo Xuduuda Itoobiya taasoo hada gabagabo ku dhow, wuxuuna dhinaca Itoobiya ka codsadey iney dhankooda dayactiraan ayna dhisaan laami isku xira Xuduuda iyo Magaalooyinka weeweyn ee dhanka Itoobiya.
Kulanka Itoobiya iyo Puntland uga socda Adis ababa ayaa waxaa looga wada hadlayaa xiriir cusub iyo idkusoo dhowaansho dhex mara labada Shacab.
Madaxweyne Gaas wuxuu Itoobiya uga mahadceliyey kaalinta ay Ciidankoodu ka qaataan ladagaalanka Argagixisada iyo joogitaankooda Koonfurta Soomaaliya.
Madaxweyne Gaas wuxuu beri la kulmi doonaa Raysal wasaaraha Itoobiya oo ay kawada hadlayaan Xaalada Soomaaliya.
