Xili khilaafka labada Masuul marayo meel aad u xun ayaa maanta Waxaa Garoonka Diyaaradaha Aaden Cade Yimid Xoghayaha Guud ee Qaramada Midoobey wuxuuna isla garoonka kula kulmey Madaxweyne Xasan Sheikh iyo Raysal wasaare Cabdiwali Shiikh, Kulanka ayaa waxay Qaramada Midoobey hoosta ka xariiqeen in Kharash badan iyo wakhti badan la galiyey sidii guul looga gaari lahaa Qorshaha 2016 sidaas awgeed wax malaayacni ah oo masuuliyiintu isku qabato aan sinaba loo aqbali karin.
Ilo dublamaasi oo kulanka joogey ayaa Puntlandi u xaqiijiyey in Xoghayaha Guud ee Qaramada Midoobey uu si kulul u hadley Iyadoo hadaladiisa ay ka mid ahaayeen “waa in si deg deg ah loo dhameeyaa isqabqabsiga waxaana idin xasuusinayaa, ma ahan Soomaali kaliya dadka idin sugayaa, Beesha Caalamku Bilyanis Dollar bay soomaaliya galiyaan waxayna sugayaan natiijo, Ma ahan Milaayiintaas in qashinka lagu daro iyadoo dano gaara la fiirinayo, lama aqbalayo in dib loosoo cesho habdhaqankii hore(Raysal wasaare iyo Madaxweyne isqabta”.
Bilowgii kulanka ayaa Madaxweynaha iyo Raysal wasaaraha ninba markiisa yimid Garoonka mana jirin xiriir salaameed oo ay sameeyeen laakiin kulanku markuu dhamaadey ayay isgacan galiyeen (Gentleman greeting).
Raysal wasaaraha ayaana bilaabey oo kursigiisa kasoo kacay ka dibna salaamey Madaxweynaha.
Dhinaca kalene Raysal wasaaruhu isagoo cagaha jiidaya ayuu ka qaybqaatey sagootintii Xasan Sheikh oo u duulayay Dubai.
Sawirka hoos ka daawo
Wixii soo kordha kala soco Puntlandi.com.
Puntlandi.com
Aden Ade Internatinal Airport
Muqdisho
