Madaxweynaha Dowlada Puntland mudane Cabdiwali Maxamed Cali Gaas oo booqasho shaqo ku jooga Dalka Ingiriiska ayaa si rasmi ah usoo gabagabeeyey howlihiisii shaqo wuxuuna Xalay Madaxweynuhu la kulmey Jaaliyada Soomaaliyeed ee UK kuwasoo gaarayay 4800 qof.
Jaaliyada Puntland ee London ayaa iskusoo dubaridey kana dambeysay Xaflada lagusoo dhaweeyey Madaxweynaha.
Maalmaha soo socda ayuu madaxweynuhu u safri doonaa Dubai halkasoo uu uga qaybgali doono shir looga hadlayo qayb ka mid ah Arimaha Soomaaliya, wuxuu ka dib ku noqonayaa Garowe.
Bisha Novembar 17 keeda ayuu Madaxweyne Gaas dib ugusoo laabanayaa Yurub, Wuxuuna Dalka Denmark uga qaybgali doonaa Shirka New Deal oo Qaramada Midoobey iyo Midowga Yurub soo abaabuleen, Waxaana marti galinaya Dowlada Denmark, Shirkaasoo labo maalmood ah wuxuu dhacayaa 19 iyo 20 ka Novembar 2014
