Jaaliyada Puntland ee Ottawa Dalka Canada ayaa qabtey Xaflad aad loo soo agaasimay oo lagu soo dhawaynayay Xukuumada Cusub ee Puntland oo uu hormuudka ka yahay Madaxweyne Dr. Cabdiweli Maxamed Cali Gaas iyo Ku xigeenkiisa Cabdixakiim Cabdulaahi Xaaji Cumar Camay, Saciid Xassan Shire, Gudoomiyaha Baarlamaanka. Waxaa sidoo kale xafladaas lagu sii sagootinayay Madaxweynihii hore Mudane Dr. Cabdiraxmaan Faroole iyo maamulkiisii.
Waxaa goobtaasi halkaasi ka hadlay rag iyo haween badan oo ay ka mid ahaayeen, Col. Maxamed Cali Xaashi, Farxiyo Cabdi Cali, Hodan Cabdirisaaq, Axmed Cabdi Yaqub, iyo Cumar Hashi. Iyagoo hambalyo , dardaaran iyo talooyinba hawada u mariyay maamulka cusub.
Waxaa Shirkaasi Xiriirinayay Mudane Farah Aw-Osman oo ah Madaxa ururka Puntland Diaspora Forum oo isagu dhawaan ka soo noqoday doorashada, isagoo ka warbixiyay wixii uu ku soo arkay deegaamadaasi sida doorashu u dhacday , kana waramay aqoonta dheer ee uu u leeyahay Madaxweyne Cabdiweli isagoo falanqayn ka baxshay waxa laga fili karo maamulkaas cusub.
Dadweyne badan oo reer Puntland ah iyo Saaxiibadooda kale ee Jaaliyadda Soomaaliyeed ka socda ayaana goobta xafladu ka dhacday soo buux dhaafiyay, iyagoo wajiyadooda ay ka muuqato fadxad iyo faysto. Dadweynahaasi fursad u heleen inay hambalyo hawada u mariyaan maamulka cusub.
Sawirada hoos ka daawo
Waxaa xafladan soo abaabulay Haweenka Jaaliyadda reer Puntland ee Ottawa.
