Bosaso–26 Jan.2014–Pi– Sii hayaha xilka Wasiir ku xigeenka amniga Puntland Cabdijamaal Cismaan Maxamed iyo Taliye ku xigeenka Ciidanka Booliska Puntland Gen. Muxiyadiin Axmed Muuse ayaa maanta si wada jir ah Saxaafada ugy soo bandhigay qaraxyo diyaarsan,Rasaas,Dawooyin,agab laga sameeyo walxaha qaraxa,Raashin,Dawooyin,Soolaro iyo agab kale,kuwaas oo ciidamada qalabka sida ee Puntland ay kuso qabteen hawlgal balaaran oo ay shalay ka sameeyen deegaanka Galgala ee Gobolka Bari.
Taliye ku xigeenka Ciidanka Booliska Puntland Gen. Muxiyadiin Axmed Muuse ayaa mahadcelin balaaran u jeediyay Ciidamada qalabka sida ee Puntland,kuwaas oo uu sheegay inay guteen waajib Qaran.
Muxyadiin Axmed Muuse ayaa hoosta ka xariiqay in Ciidamada amniga Puntland ay si dhow ula socdaan amaanka Gobolada Puntland.
Sii-hayaha xilka Wasiir ku xigeenka amniga Puntland Cabdijamaal Cismaan Maxamed oo ka mid ahaa masuliyiintii la hadlay Warfidiyeenada ayaa sheegay in dowlada Puntland ay si wadayso dagaalka ka dhan ah Al-shabaab.
Cabdijamaal Cismaan ayaa EEBE uga baryay askarigii hawlgalka kaga dhintay dowlada inuu Janada ka waraabiyo,isla markaana uu samir iyo iimaan ka siiyo ehelada iyo Qaranka Puntland ee uu ka geeriyooday.
Si kastaba ha ahaate,arrimahan ayaa kuso beegmaya xilli Shalay Ciidamada amniga Puntland ay hawlgal balaaran ka sameeyen Buuralayda Galgala ee Gobolka Bari.
Sawirada hoos ka Daawo.
www.puntlandi.com.
