Wasiirkii hore ee Garsoorka dawlada Xasan Sheekh,isla markaana ah hogaamiyaha ruuxiga ah ee xarkada dalka ku habsatay ee damul-jadiid Mudane Farax Sheekh Cabdulqaadir (Farax Sakiin)ayaa hambalyo iyo bogaadin u diray saaxiibadiis,isla markaana ah hogaanka xukuumada Federalka Somaaliyeed guushii ay ka gareen afduubkii masiirka ummada ee madashii shirkii hawada beenta ah ee sannadka 2016.
Mudane Faarax Sakiin ayaa qoraal uu soo dhigay barta uu ku leeyahay bogga xiriirka bulshada ee Facebook si aad ah u soo dhaweyey natiijadii khiyaaliga iyo iyo hagar-daamada aheyd ee uu ku soo dhamaaday shirkii hawada beenta ah 2016,ee lagu qabtay xarunta Amisom ee Xalane.
Hogaamiyaha ruuxiga ah ee Damul-jadiid mudane Farax Sakiin ayaa si gaara ah u soo qaatay,uguna hambalyey khudbadihii xanafta iyo jees-jeeska ahaa ee ay saxiibadiis goobta shirka ka jediyeen,isla markaana ku bahdileen wakiiladii maamul goboleedada iyo guud haan ummada soomaliyeed.
Weedhaha uu qoraalkiisa ku muujiyey Farax waxaa ka mid ahaa..
Hadalkii Madaxweyne Xasan Sheekh ee ahaa : Salaad walba siday kuu qabataa,loo tukadaa
- Jawaari : Maanta ka dib ma jiri doono wax la yiraa saxiixayaal ( No more Puntland/Jubbaland)
Waxaa uu sidoo kale si weyn ugu mahadnaqay wasiirka arimaha gudaha mudane Cabdiraxmaan Odawaa gacantii birta aheyd ee uu shirka ku maaamulay,kuna afduubay.
Waa kan qoraalkii mudane Farax Cabdulqaadir
