Jaaliyadda Puntland ee Waqooyiga Denmark ayaa xalay (Jamce 31.07.2015) waxay qabteen Xaflad balaaran oo lagu xusayay sanad guurada 17aad ee kasoo wareegtay aasaaskii Puntland, xaflada ayaa waxay ka dhacdey Caasimada labaad ee Denmark magaalada Aarhus.
Xaflada oo ahayd mid si wanaagsan loosoo agaasimay ayaa khudbado u badan taariikhda Puntland waxaa kasoo jeediyey Masuuliyiinta Jaaliyada, Aqoonyahano, odoyaal Dumar iyo dhalinyaraba, Gudoomiyaha Jaaliyada Saciid Daahir Dhimbil oo khudbad furitaan ah jeediyey ayaa wuxuu *Jaaliyada ugu hambalyeeyey maalinta 1 Ogoosto oo ah sida uu sheegey maalin ku wayn shacabka Puntland, wuxuuna xasuusiyey Jaaliyada iney ka shaqeeyaan midnimada marwalba.
Jaaliyada Puntland ee Waqooyiga Denmark oox aruntoodu tahay Magaalada Aarhus ay aa nasiib u yeeshey iney noqdaan Jaaliyadii ugu hor xustey sanad guurada 17aad ee sanadkaan.
