Kullan wax loogu aruurinaayey dadkii ay halkaysay Dhibaatadii baaxda wayneed ee ka dhacaday Puntland ayaa waxaa lagu qabtay Magaalo madaxda Holland ee Amsterdam.
Kullan-kaan ayaa waxaa soo abuubulay Ururadda Iftin,Somvo,Sonppcan iyo waliba Tv-ga Qaran ka oo u qaabilsana Arrimaha wacyi galinta iyo baarujinta ayaa waxaa lagu qabtay magaalo madaxda Amsterdam ee waddan ka Holland.
waxaa ka soo qayb gallay Ururo,Aqoon yahan,Haween, dhallinyaro,Siyaasiin uu ka mid yahay Wasiir kii hore ee macdanta iyo Biyaha Eng.Ahmed Mohamud Xandulle.
Eng.Xandulle ayaa u tacsiyey dadkii kuw ax yeeloobay asaga oo sheegay in aysan dhib ku gaarin kaliya Deegaannad Puntland ee uu dhib kaa la mid ah uu gaaray Gobolka Shabeelada dhexe,Wuxuu yiri” aad baan ugu tacsiyeynayaa dhamaan ummadda Soomaaliyeeed ee dhib ku gaaray,waxaana lee yahay Alle Cawil khayr qaba ha idin siiyo,Ummadda Soomaaliyeedna waxaan ugu baaqayaa in ay ka qayb qaataan caawinta walalohooda dhibku gaaray ayuu hadalkiisa ku soo gabo-gabeeyey.
Dadkii ka hadlay waxaa kaloo ka mid ahaa Gudoomiayaha Hay’adda Iftin Marwo Raaxo geesay,Gudoomiyaha Jaaliaydda Somvo Dr.Cali Cabdi Awaare iyo garyaqanad Shamso Sh xassan, dhamaan dadkii kullan-ka soo qayb galay ayaa waxaa wajiyadooda laga dareemaayey Murugo sida ay uga xun yihiin dhibkii gaaray walaalo-hood.
Dood-dheer ka dib, ayaa waxaa la isku waafaqay in Gobolkasta dadka daggan iyo Ururka ka jira in uu iskiis isku xilqaamo,ka-dib-na uu ka gaarsiiyo dhibka gaaray dadkii Duufaantu ay halakaysay.
Kullan-kaan ayaa ahaa kii ugu horeeyey ee la isugu yimaado tan iyo markii ay dhacday Musiibadii ka dhacday Xeebaha Puntland.
