Inkastoo aan wali si rasmi ah loo shaacin amaba loo cadeyn hadana waxaa loo badinayaa in Diyaarada burburkeeda uu sabab u ahaa qarax Bombaano oo diyaarada dhexdeeda ku qarxay.
Diyaarada oo laga lahaa Ruushka ayna saaraayeen 223 Qof oo dalxiisayaala ayaa satidii waxay ku burburtay Gobolka Siinaay ee Dalka Masar, tan iyo xiligaas waxaa socday baaritaan ku aadan sababta Diyaaradaan Rakaabka ay u dhacdey iyadoo aysan jirin wax xiriir ah oo Duuliyihii diyaaradu uusan lasoo sameyn Dhulka amaba cilad qabsatay diyaarada xiligii duulimaadka ay ku jirtay.
Kooxda Dawlatul Islaamiya (Islamic State) ee ka dagaalama Suuriya iyo Ciraaq ayaa isla sabtidii sheegtay iney iyagu soo rideen Diyaarada laakiin ma jirin cid u dhag jalaqsiisay oo la ma aaminsaneyn in kooxdaan ay Diyaaradaas rakaabka oo duulimaad fog ku jirtay ay heysteen Gantaal ay kusoo ridaan amaba gantaal gaara.
Khubaro badan ayaa shaki ka muujiyay burburka Diyaarada waxayna shaki galiyeen in Diyaaradu aysan u dhicin cilad farsamo Waayo sida muuqatay Diyaaradu waxay ku burburtay oo labo ugu kala jabtay hawada sare.
Waxaa kaloo la mala awaalay inuusan duuluyuhu uusan jaanis u helin inuu diyaarada dhulka kusoo dajiyo tasoo badanaa dhacda marka duuliyayaasha Diyaaradaha ay la kulmasn cilad aysan ka gaarin iney Diyaarada ku dajiyaan Garoonka ugu dhow( oo waxay la doontaan meel uun ay ku dajiyaan Emergacy landing).
Diyaaradaan oo ka duushay Sharm Sheikh waxay ku socotay Dalka Ruushka, waxayna burburtay 20 daqiiqo markay hawada ku jirtay, Raqdeeda waxaa lagasoo ururshey 7 km oo idku wareeg ah.
Waxaa hada soo baxay warar sheegaya in Fiyaarada la saaray Mombaano tasoo ku kharaxdey markay diyaatadu duushay ayna ka dambeeyeen kooxda IS.
Puntlandi
Cairo Masar